En rawh chhum zingah a lo kal
Lettu: Rev. Liangkhaia
MKHTB(2007) 86
Doh is E

En rawh chhum zingah a lo kal,
Mi sual tana thi hnu kha;
Mi thianghlim tam takin an zui,
A hnehna ropui nen khan.
Haleluia! (3)
Rorel turin a lo kal.


Ropui rapthlaka inthuamin,
Mi tinin an hmu ngei ang;
Engmah lova amah hralhtu,
Leh thinga khengbettuten,
Lungngai tawpin, (3)
Lal Krista chu an hmu ang.


Tawtawrawt a lo rik chuan,
Lei leh van an tlan bo vang,
Mi tin,amah haitu zawng chuan,
Koh luihna ri an hria ang.
Rorelnaah (3)
'Lo kal thuai r'u,' an ti ang.


Chhandamna kan beisei fo kha,
En rawh, tunah a lang ta;
Mi thianghlim, mite duh loh khan,
Boruakah an han hmuak ang.
Haleluia! (3)
En rawh, tlanna a lang ta.


Amen, mi tinin an fak che,
I lalthutthleng hmaah khian;
Lalpa, ropuina chu chang la,
Ram zawng zawng i ta ni se.
Lo kal thuai rawh, (3)
Kan lawm hle ang, lo kal la.


   Facebook      Twitter    :    Views(2963)