Hon gum, hondamsak thei hongnai,
Hon khasiat theipa Jesu;
A lungkia halhsak di’n thu gen,
Aw, Jesu tongdam ngaiin!
Sakkik
Seraf-te la a ngaihpen,
Mite theih a min ngaihpen;
Kumsawta sak la ngaihpen,
Jesu! Nuamsa Jesu!
Na khelhna tam kingaidamta,
Aw, Jesu’ tongdam ngai in!
Lungmuang in vantung manawh in,
Jesu tawh manglukhu khu’n.
Thounawn Belamnou thupi hen!
Tu’n ken Jesu muangta ing;
Hondampa nuamsa’ min ka it,
Jesu min ngaih ka it hi.
Jesu’ min kia in beisak thei,
Mawh ka kisak leh launa;
Aw, ka kha’n za nuam tawntung hi.
Jesu’ minngaih, min manpha.
Sunni banga tanna van a,
Jesu mudia i thawh chiang;
Itna mangtutphah kimvel ah,
Jesu’ min lain sa ni.