Hiai khawvel ka Pa’a,
A thilsiamte’n aw suah;
Ka kim ka kiang la-in dim e,
Ka jak-in nuam ka sa.
Hiai khawvel ka Pa’a,
Lei leh van leh tuipi
Leh a sunga thilsiam zousiahte,
Ngaihtuah chiang’ ka muang hi.
Hiai khawvel ka Pa’a,
A thilsiamte’n gen uh;
Jing nisuak hoih, lili pallun,
Leh vasate’n pak uh.
Hiai khawvel ka Pa’a,
Thilsiam teng ah kithei;
Huihkhi len ging ah A aw ka ja,
Koipeuh ah honhoupih.
Hiai khawvel ka Pa’a,
Aw, ngilh ngeikei hial ning,
Gitlouh khelhna honghat mahleh,
Aman vaihawm lai hi.
Hiai khawvel ka Pa’a,
Galdou omlai mahleh,
Toupa Jesu’n hun a sak chiang in,
Lei leh van kigawm ding.