Hawk khia’n jesu thupi
Doh is C.
Hawkkhia’n Jesu thupina hongliah pen,
Ka lungsim uh sunvak henla;
Kalvari mual a A thuakin,
A itna honglang chiantakin,
Tuin hiai ah,
Tuin hiai ah honglang nawn hen.
Mundang belh ding koiah hiam ka muh ding,
Na liam sung loungal omlou hi;
Na dikna loungal thildang teng,
Honkhuh thei ding om louhial hi;
Tua ah keimah,
Tua ah keimah honsel in aw.
Tua zan lungkhamhuai tak ah Jesu in,
Tanghou la a, vual a zawl in;
A phel a, Hiai, chiin a gen,
Ka pumpi ahi, nou’a ding;
Non theih gige,
Non theih gige na’ng hiai hih un.
Ka tan chiat uah vual hon zawlsak vek in,
Jesu’n ka kiang uah um henla;
Umpih tham-in honbawl inla,
Sakramen tak honghi ngei hen;
Hih thei jel di’n,
Hih thei jel di’n kon ngai uh hi.
Tua bangin uain nou leng a la a,
Kipahthu genkhitin A gen,
Ka sisan phaa thuchiam thak,
Hiai nou ahi, na dawnte uh;
Non theih gige,
Non theih gige na’ng hiai hih un.
Toupa, Sakramen ah Nang om inla,
Siamtang a nuam din honghuh in;
Tanghou, uain tui ah Nangma’n,
Hongpawl ngei inla, bangmah in
Hondal kei hen,
Hondal kei henla, tengden in.
