Ding un! ding un! jesu di’n!
Doh is Bb.

Ding un! ding un! Jesu di’n!
Nou khros sepaihte aw;
A Kumpi puanlap khai un,
Manna thuak het kei hen!
Vualzou a vualzou jel di’n,
A sepaihte pii ding;
Galte khempeuh kizou a
Khrist, Toupa pen hih dong’.

Ding un! ding un! Jesu di’n!
Pengkul sapna jui in;
Tuni A ni thupi ah,
Gal khawkna lam juan un;
Simsenglouh galte dou un,
Muanten A na sem un,
Lungsim kihansuah chiatin,
Dou un zou ngei dingin.

Ding un! ding un! Jesu di’n!
Amah thahatna kia’n;
Sa hatna’n dou zoulou ding,
Nou hatna suang kei un;
Gospel van in kithuam un,
Thum gige’n kiveng un;
Sep ding lauhuaina mun ah,
Na omlou ngei kei un.

Ding un! ding un! Jesu di’n!
Kidou sung sawt lou ding;
Tuni a galdou husa,
Jingchia vualzoh la ding;
Hinna lukhu kipia ding,
A vualzou mi kiang ah;
Thupina Kumpipa tawh,
Tangtawn vaihawmkhawm ding.


   Facebook      Twitter    :    Views(63)