Aw thu thugen thupi
Doh is Bb.
Aw, tua thugen thupi leh khum,
Ginna-a lak ding;
Jan leh tuni leh tangtawn in,
Jesu a ngeingei;
Khialte ngaidam nuam lailai hi,
Na leh sa damsak;
Dahte nem in huihpi daisak,
A min thupi hen.
Sakkik
Jan leh tuni leh tangtawn in,
Jesu a ngeingei;
Bangteng dangzong Jesu danglou,
A min thupi hen (3)
Bangteng dangzong Jesu danglou,
A min thupi hen.
Mimang, nang hondam ding’ honzong,
Amah khialte Lawm;
Khial aw, A Khephung ah hong in,
Kisik in kun in;
“Siamlouh kon tangsak kei ding hi,
Pai in, khial nawn ken,”
Chi a sawtlam a A gen bang’;
Na kiang ah tu’n gen.
A khial mahmah Peter ngaidam,
Nangleng lau hetken;
A ginglah mahmah Thoma naih,
A ginlah beisak;
It Johan A ang-a sia in,
A tawldamsak hi;
It aw nem-in nang hon samlai,
A ang ah khawl in.
Leitung ah na leh sa damsak,
A khut thahat in;
Tu’n zong i natna leh lungkham,
A thupiak in bei;
Numei in khoih a damsakpa’n
Damna pia thei lai;
Kuapeuh ginna a a ngente,
Tua bangzah pia ding.
Huihpi vuahpi nuaiah tuipi
Tung ah khe in pai;
Tua Galili tuipi a bang,
Huihpi kham thei lai;
Getsemani ah lungjing in
Nang ding’ thum in kap;
Aman i lungjinna noute
Tu’n hong dawnpih lai.
Emau khua juan amau tawh ton,
Omkhawm lai ding in;
Tuabangin hinsung lampi ah,
Aman hong tonpih;
A mel mu nawn pah ding hihang,
Toupa, hongkin ve;
Hiding, Jesu ngei mah hiding,
Van-a paipen mah.
