Aw thupha gen jak un
Doh is C.
Aw, thupha genjak un, Mihing omna peuh ah;
Mihing’ lungsim sung ah, A lungkhamte’ kiang ah;
Khristian aw tengteng in, Lungdamna thu phuang hen;
Khamuanpa hongtungta!
Sakkik
Khamuanpa hongtungta,(2);
Kha Siangthou, Pa honchiam,
Van apan hongtungta,
Aw, thupha genjak un,
Mihing omna peuh ah;
Khamuanpa hongtungta!
Jankhua sawt beita a, Jingkhua hongvakta hi;
Huihpi lauhuai thengta, Tuin dai khipkhep hi;
Tung sunni hong suak in, Mualdawn hontat bang in;
Khamuanpa hongtungta!
Kumpite’ Kumpipa’n, Damna kha hongjak hi;
Saltang tengteng ading’, Suahtakna hon puak hi;
Saltanna inn sung ah, Vualzohna la ging hi;
Khamuanpa hong tungta!
Pathian hon itna thuk! Ken bangchin genseng ding?
Lammang vakvaimite, Pathianin hong itna;
Amah kiang tengden a, Amah banga tang ding’!
Khamuanpa hongtungta!
Khamuan thu thangsuak hen, Thangvan sang thawntou hen;
Tuachiang van misiangten,Lei mite sakpih hen;
Ki-it tawplou zaila, Dai thei ngeilou ding hi;
Khamuanpa hongtungta!
