Aw nang bethlehem
Doh is G.
Aw nang Beth-lehem khaw lian lou,
Om dinden kon mu uh;
Na ihmut lai’ na tunglam ah,
Aksite pai diamdiam!
Na kongzing khawmial lak ah,
Tangtawn vak a tang hi,
Kum tam lamet leh launa teng;
Tujan nang ah kituak.
Mari sung a Khrist hongpiang hi,
Angelte kikhawm uh;
Lei a mite ihmut laiin,
Itna lamdang en uh;
Aw, jingsol aksite aw,
Pianna siangthou phuang un;
Pathian Kumpipa phat unla,
Lei mite di’n lemna.
Dai didein, dai didein,
Thawnpiak lamdang piak hi;
Tuachi’n Pathian’ mite lung ah,
A van vualzawlna pia;
A hong bilin za lou thei,
Hiai khovel gilou ah;
Amah ngai, kingainiamte kiang’,
Ittak Khrist a lut lai.
Aw, Nang Beth-lehem Nau siangthou,
Hongkum in, kon ngen uh;
Ka khelhna uh hawlmang inla,
Tu’n kou ah hongpiang in;
Angel siangthoute thugen
Kipahhuai ka ja uh;
Aw, hong inla, hong ompih in,
Toupa, Immanuel.
