Aw jan gimhuai a beidekta
Doh is Ab.
Aw, jan gim huai a bei dekta,
Meipite a theng dekta;
En v’aw, lamet nilouh jingkhua,
Tu’n van ah hongvak dekta;
Zion mual sang apan galvilte
Kikou i jak chiangin;
Kipakin i kikhawm ding hi,
Kumpipa hong chiang’.
Sakkik
Aw, Zion! Aw, Zion!
Na zawhna thupi ding,
Kumpipa hong chiang’;
Aw, Zion! Aw, Zion pahtawiin na om ding,
Kumpipa hong chiang’.
Jehova in a tatsate,
Suahlam leh Tumlam apan,
Nuam leh kipakin hongpai ding;
Khawl tawldamna chiam ngah di’n;
Tuachiang’ gamchih apan namchih
Vualzawlin omta ding hi,
Kipakin kikhawm ding uhi,
Kumpipa hong chiang’.
Hongpai chiangin sun-zan ngakte,
Muanhuai takin hon muleh;
Kumpi na i sepna mun ah,
I galvan teselselin;
I meivakte hoih leh siangin,
Tangpha leh nuamta zen ding;
Kipaka i kikhop theih na’ng,
Kumpipa hong chiang’.
