Phuahtu: Rothanga
Krista hmangaihna chuan min tir lui a ni,
Kei mi sual ber thih ai a thih vangin;
Ka tan nung tawh lova a tan nung turin,
Ka inpe e, boralte zawng turin.
Ka Lalpa min kohna aw chu ka lo hre ta,
A hnathawh chhunzawm zel turin;
Krista aia palai kan ni tawh si,
Thih thlenga rinawma thawk zel turin.
Lalpa, khawvel zawng zawng hi min thlirtir la,
Thlarau bo, thim hnuaia leng zawng zawng te;
Chhandamna Chanchin an hnena hril turin,
I Thlarau Thianghlimin min thuam ang che.
I ram tana thawk tura min loh vangin,
Min thuam la, i thu leh hmangaihnain;
Huaina, chhelna, inngaihtlawm leh lainatna,
Nangmaha awm zawng zawng min neihtir la.
Ka Lalpa tuarna chu tuarpui zel turin,
Ka taksa leh thlarau, ka neih zawng nen;
Lawm taka a hmel duhawm ka hmuh theih nan,
Ka inpe e, boralte zawng turin.
Hla thu leh phuahtu-ah te hian dik lo a awm a nih chuan siamthat theih a ni a. Siam tha tur erawh chuan Mizolyrics.com-ah hian in register phawt a ngai thung.
Youtube Link leh MP3 bakah he hlasa ve tu dang zaithiam hming dah luh belh theih a ni bawk.