Lettu: Thangkima Sailo

Kan zain i harh ang u,

Rilru leh thlarauvin;

Kan Lalpa rawngbawl hna hi,

Lawm taka thawk zelin;

Krista leh Kohhran,

Kan engkim kan hlan e;

Krista leh Kohhran,

Kan dam chhan ber ni se.

Kan zain i bei ang u,

Khawvel sual hneh turin;

Khawiah pawh sual zinga mi,

thlarau chhandam turin;

Chanchin Tha hi hril zelin,

Khawvel tawp thleng pawhin;

thihna daihlima thuten,

Chu ri chu an hria ang.

Hneh hnuah kanlawmman tur,

A tiam kha hre rengin;

Lawmna lui a lo luang ang,

Kan Pa duhzawng tihin.

Kan zain i thawk ang u,

Krista Kohhran tan hian;

Rinawm taka thawk zelin,

Kan engkim pawh phalin;

A dan tinreng zawm zellin,

A thil serh ngaisangin;

Chutin Krista ang turin,

Dam chhung kan sang zel ang.