Lettu: Durra Chawngthu
Kan hmachhuan ram mawi chuai ngai lo,
Thing rah tin reng an vulna;
Nunna tui thianghin a chim vel,
Ral ram, van mi an lenna.
Thli, lungpui hlau tawh lovin,
Chatuan pialral ramah chuan;
Lawng chawlin puanzar hlipin,
Hmun ralmuang kan thleng ta e.
Chu ram pana hma lam tawnin,
Chhandam chawnban vawr en r'u;
Nun hlun eng, varho zaipawlin,
Van tingtang an rem ngai r'u.
Tuipui luang a chawl cham chungah,
Lawng chawlhtir zai rel ila;
Tui fawn a kiam, mual liam mek a,
Ral ram a lang kim dawn ta.
Thlemnte hnutiang chhawn hunah,
Dam lai thlipui reh hnuah,
Min hruai thlengtu fak hla sain,
Himna lungpui kan awi ang.
Hla thu leh phuahtu-ah te hian dik lo a awm a nih chuan siamthat theih a ni a. Siam tha tur erawh chuan Mizolyrics.com-ah hian in register phawt a ngai thung.
Youtube Link leh MP3 bakah he hlasa ve tu dang zaithiam hming dah luh belh theih a ni bawk.