Phuahtu : Rev. Chhawna
Pialral ram nuam ka thlen ve hun chuan,
Khawvel boral tur ka chhuahsan hnu leh,
Aw, hring lam taksa ka ngai lo vang,
Nun hlun thing leh Lalpa ka vuan ang.
Aw, ka chak em, pialral ram nuam,
Tho leh fate tuallai an lenna;
Thihna, lusun, tahna a reh ang,
Aw pialral, ka tan lo inhawng la.
Chu ram ka thlirin ka lung min len,
Beramno leh a tlan sate an leng;
Aw, khawvel ngai lovin min hnuchhawn,
Chu ram chu ka la thleng thei rih lo.
Nakinah khua a lo la var ang,
Tih ka hriatin ka tah lia ka bang thin;
Lei hrehawmna min tuamtute hi,
Ka pel ang, chu ram ka thlen hun chuan.
Chutah hmana tuara hliam hnute,
Hlim takin an leng e, rethei fate;
Chhandamtu leh a tlan sate nen,
Aw, then lova kan len hun tur chu.
Hla thu leh phuahtu-ah te hian dik lo a awm a nih chuan siamthat theih a ni a. Siam tha tur erawh chuan Mizolyrics.com-ah hian in register phawt a ngai thung.
Youtube Link leh MP3 bakah he hlasa ve tu dang zaithiam hming dah luh belh theih a ni bawk.